Nesta sección atoparás TRES GRUPOS TEMÁTICOS:

Xurisprudencia, Emprego e Formación. 

En cada un dos bloques irán aparecendo tanto noticias como análises puntuais e mesmo sentenzas, convocatorias de emprego público, anuncios e informacións relacionados coa formación para o emprego e diversa documentación de utilidade para saber mais da realidade do mundo do Traballo e @s Traballador@s

SENTENZA EXEMPLAR DO TSXG SOBRE DESPEDIMENTO DUN CANDIDADO DA USTG ÁS ELECCIÓS SINDICAIS

O día 27 de xuño de 2016, a USTG presenta candidaturas para as Eleccións Sindicais na empresa Bilfinger, (hoxe integrada en Kaefer) no centro de traballo de Vilar do Colo (Fene).

Dous días despois, dous membros da candidatura antedita reciben carta de despedimento disciplinario, e no propio acto de entrega de dita carta, a empresa ofrece-lles unha indemnización semellante á que correspondería por despedimento improcedente.

Compre sinalar que o Comité de Empresa, composto integramente nese momento por membros da CIG, non move nin un músculo diante de semellante vulneración de dereitos. Porque non se trata de simples despedimentos improcedentes, se non de despedimento de candidatos electorais. Os candidatos despedidos son o nº 1 e o 4 da lista da USTG.

De inmediato, os despedidos có asesoramento da USTG presentan papeleta de conciliación por despedimento nulo. No acto de conciliación, un dos traballadores despedidos acepta unha indemnización moito mais alta da que lle correspondería por despedimento improcedente, abandonando a Empresa e polo tanto a Lista Electoral.

Compre sinalar que, mentres se libraba a primeira fase do proceso de reclamacións dos despedidos, a Mesa Electoral da Empresa anula a Lista Electoral da USTG, cousa que é recurrida polo Sindicato e que da lugar a un Laudo que obriga a aceptar dita candidatura nos seus propios términos, é dicir, con todos os candidatos presentados.

O proceso electoral na empresa remata có resultado de 4 delegados  electos da  USTG dos cinco que compoñen o Comité, quedando a CIG con un só delegado.

Pero o proceso xudicial por vulneración de dereitos fundamentais e despedimento nulo contra a Empresa segue no Social 2 de Ferrol, que nunha sentenza incomprensible, declara que o traballador que non aceptou o trato no SMAC, foi obxecto dun despedimento improcedente ( o que lle daría á empresa a opción de indemnizalo, e xa que logo consumar a represalia por se presentar ás Eleccións. Nin o Fiscal nin a Xuiza “atoparon” delito ningún na actuación de Empresa, nin causa ningunha para declarar nulo o despedimento.

Recurrida a sentenza de instancia diante do TSXG, éste dictou unha nova sentenza contundente, que deixou tanto ao Fiscal como á Xuiza no meirande ridículo.

A Empresa non é só concenada a readmitir ao traballador con todas as consecuencias e a abonarlle todos os salarios non cobrados, senon que a condena a unha forte indemnización por danos morais.

Resulta significativo que os Xuices do TSXG, á hora de definir a indemnización por danos, explican que dita indemnización non ten como único obxecto o resarcimento do traballador polos danos morais, senon tamén unha función disuasoria, para darlle a entender á Empresa que pode saír caro actuar do xeito que o fixo Bilfinguer.

Nin que dicir ten que o compañeiro despedido está en boa hora traballando de novo e, mentres durou a Lexislatura exercendo a súa función como representante sindical electo. (Ver Sentenza)