O Comité Nacional e o máximo Órgano de Dirección entre Congresos da USTG.

A composición do Comité Nacional e a seguinte:

• Os membros da Comisión Executiva Nacional.
• Un representante de cada Organización Territorial e Profesional constituída, por cada 200 afiliados ao corrente no pago da Cota, ou fracción superior a cen desta cantidade
• Un representante de cada Departamento Nacional constituído, por cada 300 afiliados adscritos ao mesmo e ao corrente no pago da Cota, ou fracción superior a 150 desa cantidade.
• Un representante por cada Organización Territorial ou Profesional e Departamento Nacional que se encontre en proceso de constitución segundo determine o Regulamento correspondente.
• Un representante de cada Organización Adherida por cada 300 afiliados declarados

Son funcións específicas do Comité Nacional:

• Desenvolver as directrices estratéxicas e programáticas acordadas polo Congreso, a través de Programas de traballo e iniciativas concretas
• Coñecer, apoiar e controlar a xestión diaria da Comisión Executiva.
• Aprobar a adhesión e a Integración das organizacións que así o soliciten.
• Promover e desenvolver a constitución e pleno funcionamento das estructuras territoriais e federais, así coma dos Departamentos da USTG, de acordo cós presentes estatutos e seus Regulamentos.
• Exercer as funcións disciplinarias que se determinan nos presentes Estatutos e seu Regulamento específico.
• Convocar no seu caso o Congreso Nacional, así como dirixir a aplicación estratéxica dos acordos e mandatos do mesmo
• Aprobar os Presupostos Anuais da USTG, así como no seu caso as Contas da mesma.
• Aprobar os Regulamentos do Congreso, do propio Comité Nacional, dos Órganos de Dirección da USTG, da Comisión Nacional de Garantías, das Estructuras Territorial e Federal, dos Departamentos Nacionais, dos Permanentes e Liberados, dos Servizos Técnicos e Xurídicos e demais que establecen os presentes Estatutos ou sexan de utilidade ao funcionamento do sindicato
• O control da xestión, así como a cobertura de vacantes na Comisión Executiva e na Comisión de Garantías, ben por baixa ou dimisión ou por revogación dalgún membro da Comisión Executiva decidida polo propio Comité Nacional en base a causas disciplinarias, se fora o caso.

A Comisión Executiva Nacional é o Órgano Executivo e Colexiado de Dirección diaria da USTG. A Comisión Executiva Nacional estará composta por tres Secretari@s, elixid@s polo Congreso, e que responderán ás denominacións seguintes:

• Secretari@ Xeral e de Ortganización
• Secretari@ de Administración e Finanzas
• Secretari@ de Servizos e Comunicación

Son funcións da Comisión Executiva:

• Desenvolver no día a día as directrices e programas emanados do Comité Nacional.
• Administrar o Patrimonio da USTG e xestionar os seus recursos e presupostos segundo o determinado polos presentes Estatutos e seus Regulamentos.
• Desenvolver as áreas de traballo e os correspondentes equipos para a realización das tarefas de xestión diaria, de acordo coas directrices e mandatos do Comité Nacional.
• Elaborar propostas e programas puntuais para ser sometidos a aprobación dos Órganos Superiores, e no seu caso dirixir a súa posterior posta en práctica.
• Orientar e promover o funcionamento das Estructuras Territoriais e Federais, así coma os Departamentos e Servicios do Sindicato, baixo a supervisión e control do Comité Nacional.
• Representar á USTG diante dos Poderes Públicos, Forzas Sociais e Institucións de Galicia e do Estado, así como diante dás instancias internas da Federación ou Confederacióná que se poida federar ou confederar.
• Custodiar os Documentos legais do Sindicato, tanto os que se refiren ás finanzas e administración coma os que afectan ás xuntas dos Órganos e rexistros estatutarios e legais en xeral.

A Comisión Nacional de Garantías é o Órgano de Xurisdicción interna que tutela os Dereitos e Garantías dos Afiliados e Organizacións da USTG consagrados nos Estatutos, e diante do que se pode exercer o Recurso de Amparo.

A Comisión Nacional de Garantías está composta por un President@, un Secretari@ e un Vogal, todos eles elixidos polo Congreso.

Son competencias da Comisión Nacional de Garantías:

• Resolver en derradeira instancia, a través da interpretación dos Estatutos, os Recursos de amparo que sobre sancións lle sexan presentados polos Afiliados.

Resolver así mesmo en derradeira instancia os recursos de Amparo das Organizacións da USTG, en contra de decisións dos Órganos da mesma sobre conflictos entre organizacións